Најсилен противник на Бајден му е сенаторот од Вермонт Берни Сандерс кој победи во речиси во повеќе сојузни држави на внатрепартиските избори
Американците од повеќе сојузни држави се подготвуват да гласаат на супер вторикот и да одлучат кој ќе бил претседателски кандидат на демократите.
Поранешниот потпретседател Џо Бајден победи на внатрепартиските избори во Јужна Каролина што се одржаа вчера.
Според последите резултати, Бајден во Јужна Каролина освоеил речиси 49 отсто од гласовите, по него е сенаторот од Вермонт, Берни Сандерс, со околу 20 отсто, а трет е милијардерот Том Стејер, со 11,4 отсто добиени гласови.
Со убедливото водство, Бајден се врати во трката по слабите резултати во Ајова, Њу Хемпшир и Невада. Стејер, поранешен раководилел на инвестициски фонд, пак, незадоволен од резултат во Јужна Каролина, каде потроши речиси 30 милиони долари за своја промоција, одлучи да ја напушти трката.
Сега, внимението е свртено кон супер вторикот кога се гласа во 14 сојузни држави кои претставуваат една третина од 1 991 делегат, потребни да се добие номинацијата. Од оваа група, големи држави во кои се гласа се Северна Каролина, Вирџинија, Тексас и Калифорнија.
Калифорнија ќе биде централна сојузна држава во битката. Примарните избори во оваа сојузна држава каде гласаат 415 делегати, или 20 отсто од потребните за да се утврди номинацијата, беа презакажани од јуни за 3 март.
Калифорнија и Тексас ќе бидат државите за соочување на поранешниот градоначалник на Њујорк, Мајк Блумберг и сенаторот Сандерс и според аналитичарите Калифорнија ќе биде совршено сценарио за било кој од кандидатите.
Според најнова анкета на Си-ен-ен во овие две држави попопуларен кандидат е Сандерс.
Бајден пак, се надева на победа во Северна Каролина, Вирџинија, Алабама и Тенеси, каде ужива поддршка кај афроамериканското население, кое во овие држави претставува значаен дел од гласачкото тело.