Претседателот на државата, Стево Пендаровски, пак, вечерва во гостувањето во емисијата „Топ тема“ на Телма ТВ, рече дека му најавиле дека од Собранието ќе ги излагаат мерките пред полноќ и ќе ги испратат на потпишување во неговиот кабинет, со цел што побргу да излезат во Службен весник
Собранието доцна вечерва, петнаесетина минути пред полноќ, со 95 гласа „за“ и без ниту еден „против“ и „воздржан“ го донесе Предлогот на закон за изменување и дополнување на Законот за данокот на додадена вредност. Со 96 гласа „за“ и исто така без ниту еден „против“ и „воздржан“ беше изгласан и Предлогот на закон за дополнување на Законот за акцизите. Измените на двата закони се носеа по скратена постапка како дел од пакетот мерки кои Владата вчера ги усвои на седница со цел справување со кризата.
Целта на Владата со овие антикризни мерки е да се обезбеди намалување на највисоките малопродажни цени на бензините и другите нафтени деривати, како и укинување на ДДВ за основните прехранбени производи (леб; шеќер; брашно тип 400; сончогледово масло за јадење; трајно млеко; свежо месо; ориз и јајца), укинување на давачките за увоз на основните прехранбени производи, како и на гас, електрична и топлинска енергија.
Министерот за финансии Фатмир Бесими претходно образложувајќи ги двата предлог закони, посочи дека тие се дел од пакетот 26 кризни мерки и препораки на Владата, кои треба да му помогнат на стопанството во државата која е погодена од енергетската криза и ценовниот шок на глобалните пазари.
„Актуелната ситуација во домашната економија, погодена главно од цените на основните производи, од категоријата на прехранбени производи, се преземаат мерки кои ќе го заштитат животниот стандард на граѓаните од повисоките цени, особено најранливите категории од социјален аспект и домашната економија. Со цел да се надмине оваа ситуација, потребно е да се интервенира. Пакетот од 26 мерки во вредност од 400 милиони евра за економска заштита на граѓаните и компаниите“,
рече министерот Бесими во обраќањето.
- Беџети за антикризните мерки: Владата да ги следи трендовите и да реагира на дневно ниво
- Петрески: Владините антикризни мерки се релативно навремени и со коректен опфат
Претседателот на државата, Стево Пендаровски, пак, вечерва во гостувањето во емисијата „Топ тема“ на Телма ТВ, рече дека му најавиле дека од Собранието ќе ги излагаат мерките пред полноќ и ќе ги испратат на потпишување во неговиот кабинет, со цел што побргу да излезат во Службен весник.