Пратеничката Моника Зајкова од ЛДП е позитивна на новиот коронавирус и вечерва е хоспитализирана на Инфективната клиника во Скопје.
Како што објавуваат дел од медиумите, Зајкова имала покачена температура, па лекувањето морало да продолжи во болница.
„Иако ги следевме и почитувавме сите протоколи, најверојатно некаде, за жал, сме потфрлиле. Како се чувствувам? Tелесната температура не ми спаѓа под 38,5 C, чувствувам омалаксаност, континуирано гадење, повраќање и изнемоштеност. Констатирана ми е почетна фаза на пневмонија. Ова не сакам да звучи како заплашување, туку повеќе како отрезнување, затоа што понекогаш може да биде предоцна“,
напиша Зајкова на Фејсбук.
Пред десетина дена уште една пратеничка, Славјанка Петровска, од мнозинството во парламентот објави дека е позитивна на ковид-19.