Дел од медиумите објавија дека пожарот се случил во хотелот „Вип“ во близина на Трговскиот центар „Ист гејт“, но командирот на скопската противпожарна бригада Звонко Томески за „360 степени“ вели дека не гори хотелот, туку напуштена куќа зад него
Пожар утринава избувнал во напуштена куќа зад хотел во близина на Трговскиот центар „Ист гејт“ во Скопје. Информацијата за „360 степени“ ја потврди Звонко Томески, командирот на скопската противпожарна бригада.
На терен се две противпожарни возила и шестмина пожарникари кои интервенираат на гасење на пожарот.
Дел од медиумите објавија дека пожарот се случил во хотелот „Вип“ во близина на Трговскиот центар „Ист гејт“, но командирот на скопската противпожарна бригада вели дека не гори хотелот, туку напуштена куќа зад него.
„Пожарот е во напуштена куќа зад хотелот. Пожарникарите сè уште интервенираат“,
изјави Томески во разговор за „360 степени“.
Засега нема информации за повредени лица, а најверојатно причинета е само материјална штета.
Пријавата за пожарот била добиена во скопската противпожарна бригада утринава околу 8 часот.