Бајден рече дека законот признава дека „секој треба да има право сам да одговори на тие прашања без мешање на владата“ и ја обезбедува федералната „заштита што доаѓа со бракот“
Претседателот Џо Бајден денеска потпиша нов закон со кој се гарантира федералната заштита на истополовите и на меѓурасните бракови.
Бајден го потпиша Законот за почитување на бракот пред илјадници поканети гости на јужниот тревник во Белата куќа.
„Бракот е едноставен предлог. Кого сакаш? И дали ќе бидеш лојален на таа личност што ја сакаш?“,
рече претседателот и додаде „Не е покомплицирано од тоа“.
Бајден рече дека законот признава дека „секој треба да има право сам да одговори на тие прашања без мешање на владата“ и ја обезбедува федералната „заштита што доаѓа со бракот“.
„Во поголемиот дел од историјата на нашата нација, ние ги негиравме меѓурасните и истополовите парови. Сега, овој закон бара меѓурасните и истополовите бракови да бидат признати како легални во секоја држава“,
рече Бајден.
Новиот закон официјално го поништува Законот за одбрана на бракот, кој го дефинираше бракот како заедница само меѓу маж и жена.
„Апсолутно сум задоволен со фактот дека мажите кои се мажат за мажи, жените кои се мажат за жени и хетеросексуалните мажи и жени кои стапуваат во брак со друг имаат право на истите точни права, сите граѓански права, сите граѓански слободи“,
рече Бајден.
Меѓу гостите поканети на потпишувањето на нацрт-законот во Белата куќа беа истакнати членови на ЛГБТК заедницата и активисти.
Ова доаѓа 12 години откако Бајден – тогашен потпретседател на Барак Обама – јавно зазеде став во корист на истополовите заедници, долго пред одлуката на Врховниот суд на САД во 2015 година да ги направи легални низ САД.
Откако сега многу поконзервативниот Врховен суд ги укина долгогодишните права за абортус во јуни минатата година, пратениците од левата и десната страна ги здружија силите за да спречат какви било последователни чекори за ограничување на она што некои стравуваа дека ќе бидат права на истополови бракови.
Конечното усвојување на законот во Конгресот минатата недела е редок приказ на двопартиски договор во длабоко поделен Вашингтон.