По преземањето на претседателството со ЕУ, министерот Силва изјави дека Португалија ќе се обиде да ги организира првите меѓувладини конференции со С Македонија и Албанија во првата половина од годинава
Вицепремиерот за европски прашања Никола Димитров и шефот на дипломатијата Бујар Османи денеска се во работна посета на Брисел, каде што ќе остварат средба со министерот за надворешни работи на Португалија, Аугусто Сантош Силва, чија земја е актуелен претседавач со ЕУ.
По преземањето на претседателството со ЕУ, Силва изјави дека Португалија ќе се обиде да ги организира првите меѓувладини конференции со Северна и Албанија во првата половина од годинава.
Како што соопштија од Владата, во рамки на посетата, предвидени се средби на Димитров и на Османи и со претставници на институциите на ЕУ.
На маргините на заседанието на Советот за надворешни работи на ЕУ, што се одржува денеска, планирани е Димитров и Османи да имаат билатерални средби со повеќе министри за надворешни работи на земји членки на ЕУ.
На 1 јануари, Португалија го презема од Германија шестмесечното претседателство со ЕУ.
Неколку дена подоцна, португалскиот амбасадор во ЕУ, Нуно Брито изјави дека ова претседателство, во првите шест месеци од 2021 година, нема да брза и да предлага нови заклучоци на Советот на ЕУ за проширувањето.
Во однос на политиките на Бугарија, која со своето вето го блокира почетокот на пристапните преговори со Северна Македонија, амбасадорот рече дека „не е во ред да се обвинува Бугарија за попречување на процесот, бидејќи токму таа држава е еден од силните поддржувачи на проширувањето на ЕУ”.