Гонсало Рамош беше херој во убедливиот триумф на Португалците, постигна три гола и го забележа првиот хет-трик на овој Мундијал
Португалија со убедливи 6-1 буквално ја „прегази“ Швајцарија во осминафиналето од Светското првенство и стана последниот четвртфиналист кој ќе игра во Катар.
Селекторот Фернандо Сантош на почетокот од мечот Кристијано Роналдо го остави на клупата и во игра во првата постав го стави Гонсало Рамош, а тоа се покажа како клучен потег.
Гонсало Рамош беше херој во убедливиот триумф на Португалците, постигна три гола и го забележа првиот хет-трик на овој Мундијал. Противничката мрежа тој ја погоди во 17, 51 и во 67 минута. Пепе, Гуереро и Леао постигнаа по еден гол. Единствениот гол за Швајцарија го постигна Аканџи по девет минути од вторто полувреме.
Кристијано Роналдо доби шанса во завршните дваесетина минути од натпреварот кога веќе неговата репрезентација имаше високи 5-1 и осигурана победа.
На Светското првенство во Катар ќе следуваат два дена пауза. Четвртфиналните дуели се закажани за в петок и за в сабота. На првиот ден играат Холандија-Аргентина и Хрватска-Бразил, а за второто полуфинале ќе се борат Англија-Франција и Португалија-Мароко.