СДСМ јавно да кажат кои им се коалициските партнери со кои направиле мнозинство, повика портпаролот на ВМРО-ДПМНЕ, Димче Арсовски, на својот Фејсбук профил.
„Гледам СДСМ и Заев викаат дека имале мнозинство, а пак од друга страна тоа не го потврдуваат другите политички партии.
напиша Арсовски.
Еве, јавно нека објават СДСМ со кого ‘се ќердосаа’ и имаат парламентарно мнозинство, кои се коалиционите партнери на СДСМ и детали, бидејќи зборовите ‘имам мнозинство’ не се доволни за Влада. Во спротивно, СДСМ во овој момент освен што дрско краде, дрско и лаже. Што, сепак,и не е нешто ново…“,
Синоќа СДСМ излезе со тврдење дека има обезбедено мнозинство за составување влада откако порталите на албански јазик „Лајм“ и „Тетова Сот“ објавија дека ВМРО-ДПМНЕ и ДУИ се блиску до постигнување договор за влада со премиер Албанец.
Прашани за пишувањата на медиумите на албански јазик, од ВМРО-ДПМНЕ за „360 степени“ одговорија дека нема ниту да потврдуваат, ниту да демантираат информации од непотврдени и непроверени извори.
Бујар Османи од ДУИ, откако првично ни изјави дека нема коментар, се премисли и за ТВ 21 кажа дека „нема никаков договор со ВМРО-ДПМНЕ, но нема никаков договор и со СДСМ“.
Поврзана вест: ВМРО-ДПМНЕ и ДУИ пред договор за влада со премиер Албанец, јавуваат медиуми на албански јазик