Хуан Карлос Први (82), поранешен крал на Шпанија објави дека ја напушта државата, иако во таму во тек е истрага за корупција против него.
Тој со писмо упатено до неговиот син, кралот Филипе Шести, соопшти дека ја напушта државата поради реакции од јавноста што се одразиле на неговиот приватен живот.
Хуан Карлос е осомничен за корупција поврзана со Саудиска Арабија. Минатиот месец премиерот на Шпанија, Педро Санчез, рече дека информациите поврзани со поранешниот крал се вознемирувачки.
Како што јавуваат светските медиуми, истрагата ја водат Шпанија и Швајцарија за пари кои тајно од Саудиска Арабија му биле префрлени на швајцарска сметка на Хуан Карлос. Наводно, станува збор за сума во вредност од стотина милиони евра.