Засега не се очекуваат нарушувања во авиосообраќајот, но од „ТАВ Македонија“ нагласуваат дека видливоста е променлива и зависи на временските услови
Десет лета биле откажани, а три пренасочени синоќа од 20 часот до 9 часот изутрина поради намалена видливост од густата магла на Меѓународниот аеродром „Скопје“, соопшти „ТАВ Македонија“.
„Во моментов не очекуваме нарушувања, но видливоста е променлива и зависи од временските услови во кои се наоѓа Скопската Котлина веќе неколку дена“,
велат „ТАВ Македонија“.
И една ноќ претходно од истите причини беа откажани девет лета, а четири беа пренасочени.
Од „ТАВ Македонија“ повторно ги упатуваат патниците да ја следат состојбата со летови на официјалната веб-страница на скопскиот аеродром www.skp.airports.com.mk, а за откажаните и пренасочените летови укажуваат дека согласно правилата на авиопревозниците за вакви ситуации, тие им организираат превоз и хотелско сместување на патниците.