Пратеничката од ДОМ Лилјана Поповска во своето последно обраќање во собранието, на седницата за законот за јавно обвинителство изрази разочараност од тензичната атмосфера и поделеноста меѓу пратениците. Посочи дека очекувала партиите да најдат компромис и заеднички да донесат поквалитетно законско решение.
„ Ова е мојот последен ден во Собранието. Како што од поодамна најавив веќе нема да се кандидарам за пратеник. На крајот очекував пристојна политичка атмосфера зашто нели, сите сме радосни и спремни за избори. Наместо тоа имаме тензична атмосфера и дијаметрално поделени ставови. Жалам што двете страни во долгите преговорите за Законот за јавно обвинителство не најдоа заеднички именители и не носиме усогласен закон, кој секако би бил со помалку дефекти и недоречености кои даваат можност за различно толкување и примена. Причина за ова е неспособноста да се договориме што ни е важно, што се црвени линии, што смее, а што не смее да се дозволи во државата. “
– изјави Поповска.
Пратеничката пред една година се повлече и од лидерското место во зелената партија, а на нејзино место дојде Маја Морачанин.