Од Центарот за управување со кризи (ЦУК) информираат дека најмногу пријави, односно 80 се за поплавени простории во објекти, а за паднати дрвја се добиени 40 пријави. По 20 пријави се добиени за оштетени возила и поплавени улици и подвозници, 15 пријави за оштетени кровни конструкции, а за навалени бандери и други проблеми со струја се добиени пет пријави
Околу 180 пријави за штети биле примени на телефонскиот број 195 и бројот за итни повици 112 откако вчера попладне силно невреме со дожд и ветер го зафати Скопје.
Од Центарот за управување со кризи (ЦУК) информираат дека најмногу пријави, односно 80 се за поплавени простории во објекти, а за паднати дрвја се добиени 40 пријави. По 20 пријави се добиени за оштетени возила и поплавени улици и подвозници, 15 пријави за оштетени кровни конструкции, а за навалени бандери и други проблеми со струја се добиени пет пријави.
Сите овие пријави и проблеми за редоследно приоритетно решавање, како што информираат од ЦУК, биле проследени до: Бригадата за противпожарна заштита БППЗ, Градот Скопје, општините и јавните претпријатија во Градот.
БППЗ на Град Скопје после невремето со нивни екипи интервенирале во десетина случаи за испумпување на навлезена вода од објекти и критичните места.
„На скопските сообраќајници од ЈП ‘Водовод и канализација’ известуваат дека вечерта и ноќта со цистерни и вакуум-цистерни работеа на исцрпување на насобраната вода и на одзатнување на атмосферската канализација на критичните места (подвозници и главни сообраќајници) и исто така по пријави на граѓани на уште 40-ина други места. Утрово состојбата е нормализирана“,
наведуваат од ЦУК.
Оттаму додаваат дека од ЕВН известуваат дека дефектите во страна, дефектите во електросистемот настанати од атмосферските празнења и силниот ветер во повеќе реони од градот и околината во текот на ноќта се отстранети освен кон селата Дворце и Радуша во Општината Сарај каде жителите се уште се без електрична енергија.
„Според известувањето од Сообраќајната полиција како и ЈСП Скопје од околу полноќ состојбата на сите сообраќајници е нормализирана и утрово сообраќајот и јавниот градски превоз се одвива нормално“,
посочуваат од ЦУК.