Полскиот премиер Матеуш Моравјецки најави дека неговата земја е подготвена да донира борбени МИГ-ови ако САД прифатат да предводат поширока коалиција за трансфер на авиони во Украина.
„Денеска можеме да зборуваме за префрлање на нашите авиони МИГ како дел од поширока коалиција и ние сме подготвени за тоа. „Полска може да биде само дел од многу поголема коалиција со Соединетите Држави како лидер“,
изјави Моравјецки.
Изјавата е дадена само ден откако полскиот претседател Анджеј Дуда порача дека во догледно време модерни борбени авиони треба да бидат испратени во Украина за да ѝ помогнат на Украина да се одбрани од руската инвазија.
Според Дуда, постарите полски борбени авиони МИГ-29, кои се од времето на Советскиот Сојуз, може порано да бидат испратени во Украина зашто тоа се авиони со кои веднаш може да управуваат украинските пилоти, без потреба од дополнителна обука.