Германската влада е под зголемен притисок да испрати тенкови во Украина кои би можеле да влијаат на рамнотежата на силите на фронтот. За ова прашање денеска разговарале и генералниот секретар на НАТО, Јенс Столтенберг и германскиот министер за одбрана Борис Писториус
Полскиот министер за одбрана Мариуш Блашчак денеска соопшти дека побарал одобрение од Германија за Полска да испорача тенкови „леопард“ на Украина.
„Германија веќе го доби нашето барање да го прифати трансферот на тенковите `леопард 2` во Украина“,
напиша Блашчак на Твитер.
Niemcy otrzymali już nasz wniosek o wyrażenie zgody na przekazanie czołgów Leopard 2 na Ukrainę. Apeluję także do strony niemieckiej o przyłączenie się do koalicji państw wspierających Ukrainę czołgami Leopard 2. To nasza wspólna sprawa, bo chodzi o bezpieczeństwo całej Europy! pic.twitter.com/9oMQihI83Z
— Mariusz Błaszczak (@mblaszczak) January 24, 2023
Тој исто така го повика Берлин да им се придружи на земјите што ја поддржуваат Украина и кои имаат намера да ѝ испорачаат тенкови „леопард 2“.
Германската министерка за надворешни работи Ана Баербок во неделата изјави дека Германија „нема да ѝ застане на патот“ на Полска доколку земјата сака да испрати тенкови „леопард 2“ во Украина.
Германската влада е под зголемен притисок да испрати тешки тенкови во Украина кои би можеле да влијаат на рамнотежата на силите на фронтот.
За ова прашање денеска разговарале и генералниот секретар на НАТО, Јенс Столтенберг и германскиот министер за одбрана Борис Писториус.
Столтенберг по средбата изјави оти е убеден дека Алијансата наскоро ќе најде решение за испораката на борбени тенкови на Украина, пренесе „Гардијан“.
Писториус изјави дека нема неединство меѓу сојузниците околу испраќањето тешки борбени тенкови во Украина и нагласи дека Берлин брзо ќе дејствува доколку има позитивна одлука за тоа.
Сепак, тој истакна дека НАТО не смее да стане страна во војната во Украина.
Соединетите Американски Држави и нивните сојузници не успеаја минатата недела да го убедат Берлин да дозволи тенковите „леопард 2“ да бидат испратени до линијата на фронтот, иако тешките тенкови Украина ги гледа како клучни за успехот во борбата против рускиот агресор. Полска е првиот поборник за испорака на леопарди и ги повикува земјите што ги имаат овие германски тенкови да ги испратат во Украина, дури и без одобрение од Берлин.
На состанокот во петокот во американската воена база во Рамштајн, Германија, западните сојузници на Украина ја одложија одлуката за ова прашање, што го налути Киев, кој ја критикуваше нивната „неодлучност“.
Тенковите „леопард 2“ се специјално дизајнирани да се натпреваруваат со руските тенкови Т-90, кои Москва ги користи во инвазијата. Проценките се дека ширум светот има повеќе од 2 000 тенкови „леопард 2“, а според украинскиот претседател Володимир Зеленски околу 300 од нив ќе бидат доволни за одбивање на руските сили на фронтот.
Во заедничката изјава од саботата, министрите за надворешни работи на Естонија, Латвија и Литванија и порачаа на Германија веднаш да и обезбеди на Украина тенкови „леопард“.
Според сегашните регулативи, Германија мора да го санкционира секој реекспорт на нејзините тенкови од други земји, како што е Полска.
Владини извори во Германија минатата недела изјавија дека ќе дадат зелено светло за тенковите „леопард“ доколку САД се согласат да испратат тенкови „абрамс“ во Украина.
Притисокот врз Германија и останатите сојузници дополнително го зголеми и најавата на британскиот премиер Риши Сунак дека Велика Британија ќе и достави на Украина тенкови „челинџер 2“.