Полицијата заврши со проверките, лажна е денешната дојава за бомба

Веднаш по добиената пријава, од полициски службеници се преземени мерки за безбедно евакуирање, а потоа се извршени и детални проверки од тимови за антитерористички проверки и утврдено е дека станува збор за лажна пријава

Дојавата за поставена експлозивна направа на електронските адреси на 14 професори во едно скопско средно училиште е лажна, соопшти Министерството за внатрешни работи (МВР), откако, како што информираат оттаму, завршиле проверките. 

„Министерството за внатрешни работи ја известува јавноста дека денеска во 16:15 часот завршија потребните проверки во врска со денешната пријава со закана за поставена експлозивна направа, по добиените пораки на приватни електронски адреси на 14 професори, и утврдено е дека станува збор за лажна пријава“,

се наведува во соопштението од МВР.

Дојави за бомба во едно скопско средно училиште – заканите испратени на 14 професори

Оттаму посочуваат дека веднаш по добиената пријава, од полициски службеници се преземени мерки за безбедно евакуирање, а потоа се извршени и детални проверки од тимови за антитерористички проверки и утврдено е дека станува збор за лажна пријава.

(ФОТО) Дојави за бомби во МРТВ, Железничка, „Џевахир“, три трговски центри и 12 школи

Минатата недела имаше дојави за бомби три дена по ред во основни и средни училишта во главниот град. Последната, на 9 февруари, пристигна на адресите на 13 основни и на шест средни училишта.

Сите дојави досега се покажаа како лажни.