За еден месец во земјава се изречени 20 илјади казни за сообраќајни прекршоци од страна на полицијата, информира портпаролот на Министерството за внатрешни работи, Тони Ангеловски.
Тој денеска од Гевгелија информираше дека во тој град изречени се 60 казни за еден час. Казните главно се однесувале на нерегистрирани возила, возачи без возачка дозвола и други сообраќајни прекршоци.
Ангеловски апелираше до граѓаните да ги почитуваат сообраќајните правила и прописи, не за да ги избегнат казните од полицијата, како што истакна, туку за да се воведе ред на улиците и патиштата и да се зголеми безбедноста на сите учесници во сообраќајот.
Тој нагласи дека засилените акциски контроли во сообраќајот ќе продолжат и во наредниот период поради што повика заеднички сите да придонесеме за безбедност на нашите улици.