На предлог на надлежниот јавен обвинител, судија на претходна постапка на осомничениот му одредил мерка притвор од 30 дена
Основното јавно обвинителство Тетово отворило истражна постапка против педесет и тригодишен жител на селото Долно Палчиште во чиј дом била пронајдена рачна бомба, која осомничениот ја чувал под кревет.
Како што информираат од Обвинителството, осомничениот се товари за кривично дело неовластено изработување, држење, посредување и тргување со огнено оружје и распрскувачки материи од член 396 став 2 од Кривичниот законик.
„Во неговата семејна куќа тој држел боева рачна бомба Ф1 од кинеско производство, иако поседувањето на вакви експлозивни материи на граѓаните им е забрането. Бомбата била пронајдена при претрес во домот на осомничениот на 8 јануари, скриена во кутија под креветот во спалната соба“,
се наведува во соопштението од Јавното обвинителство.
На предлог на надлежниот јавен обвинител, судија на претходна постапка на осомничениот му одредил мерка притвор од 30 дена.