Полицијата вчера пронашла 13 мигранти од Бангладеш во возило со кое биле превезувани од македонско-грчката граница во правец кон Скопје.
Возило „фолсваген пасат“ со бугарски таблици било забележано на крстосницата „Ѓавато“ на патот Гевгелија – Дојран по што полицајците тргнале по него.
„На крстосницата Гевгелија возилото се вклучило на автопатот кон Скопје, а на крстосницата село Миравци – село Милетково, поради неприлагодена брзина, излетало од патот. После тоа, возачот побегнал. Набргу потоа, возачот бил пронајден и предаден во СВР Струмица“,
соопштија од МВР.
Станува збор за 22 годишен жител на Богданци.
Мигрантите се предадени на полициската станица за граничен премин и надзор „Богородица“.