Околу половина час траеше средбата меѓу претседателот на ВМРО-ДПМНЕ, Христијан Мицкоски и лидерот на ДУИ, Али Ахмети. Мицкоски изјави дека станало збор за успешна средба на која разговарале за биографијата на нивниот предлог за министер за внатрешни работи.
Ахмети , пак порача дека за ДУИ е прифатлив предлогот на ВМРО-ДПМНЕ. Иако не бил познат во политиката, човекот кој ќе треба да раководи со МВР до одржувањето на изборите бил професионалец.
Ахмети додаде и дека за него не е проблем и еден од техничките министри да биде од опозициските партии на Албанците, но претпочита да се држат до договореното од пред четири години.