Покрај за поранешниот министер за транспорт Горан Весиќ, обвинение е поднесено и против поранешната директорка на „Инфраструктура на железници на Србија“, Јелена Танасковиќ, поради падот на натстрешницата на железницата во Нови Сад
Вишото јавно обвинителство во Нови Сад покрена обвинение против 13 лица, меѓу кои и ексминистерот за транспорт Горан Весиќ и поранешната директорка на „Инфраструктура на железници на Србија“, Јелена Танасковиќ, поради падот на натстрешницата на железницата во Нови Сад.
Меѓу обвинетите, како што се наведува, се Ј.Т. поранешен в.д. генерален директор на „Инфраструктура на железници на Србија“, Г.В. поранешен министер за градежништво, транспорт и инфраструктура, А.Д. поранешен в.д. помошник министер во Министерството за градежништво, транспорт и инфраструктура и Н.Ш. поранешен генерален директор на „Инфраструктура на железници на Србија“.
Тие се товарат сторено тешко кривично дело против општата сигурност во врска со кривичното дело предизвикување општа опасност.
Обвинението, како што се наведува, е поднесено по завршување на истражната фаза од кривичната постапка со издавање наредба за завршување на истрагата. До Вишиот суд во Нови Сад, покрај обвинението, е доставена и целокупната документација собрана во предистражната и истражната постапка, како и сите други докази кои го поткрепуваат постоењето на оправдано сомнение за покренување на обвинението.
Обвинителството побара продолжување на притворот за оние кои веќе се во притвор, како и враќање во притвор на оние што во моментот се на слобода, вклучително и поранешниот министер Весиќ.