Министерот за животна средина Насер Нуредини кој денеска направи обиколка на локацијата во ОХИС каде што е спакувана почвата, кажа дека транспортот на земјата го врши компанијата „Polyeco“ по комплетирањето на сите потребни дозволи за нејзин извоз
Вкупно 126 тони контаминирана земја со линдан спакувана во седум контејнери денеска го почна транспортот до крајната дестинација – Германија. Се работи за контаминирана земја од малата депонија во ОХИС која ќе биде испорачана во постројка во Германија лиценцирана за третман на ваков тип отпад.
Министерот за животна средина Насер Нуредини кој денеска направи обиколка на локацијата во ОХИС каде што е спакувана почвата, кажа дека транспортот на земјата го врши компанијата „Polyeco“ по комплетирањето на сите потребни дозволи за нејзин извоз.
„Со тоа завршуваат активностите во кои како имплементациона агенција учествуваше UNIDO. Во реализацијата на вториот лот е вклучена имплементационата агенција UNOPS со средствата обезбедени во Повеќе-партнерскиот фонд за животна средина и веќе се ископани, спаковани и транспортирани до крајната дестинација за уништување 480 тони на HCH отпад од вториот лот. Во наредниот период се очекува да започнат активности за чистење на третиот лот за што во завршна фаза е евалуацијата по огласот за избор на изведувач за чистењето и се очекува во најскоро време постапката да заврши и избраниот изведувач да потпише договор со UNOPS“,
информира Министерството за животна средина.
Досега, како што посочија од Министерството, спакувани и извезени се 960 тони одпад контаминиран со линдан од првиот и вториот лот, од кои 480 тони се веќе спалени.