„Второто пронајдено лице е починато и сè уште се наоѓа на местото на настанот. За да биде пренесено ќе треба претходно да се извршат соодветни процедури“, информираат денеска од ЦУК
Почина еден од двата планинари по кој од синоќа трагаше Центарот за управување со кризи (ЦУК), откако беше пријавено оти паднал од карпа во реонот кај Титов Врв, највисокиот врв на Шар Планина.
„Второто пронајдено лице е починато и сè уште се наоѓа на местото на настанот. За да биде пренесено ќе треба претходно да се извршат соодветни процедури“,
велат од ЦУК.
Од ЦУК утринава информираа дека вчера околу 20 часот бил пронајден планинарот кој известил за несреќата и тој околу три часот ноќеска бил пренесен во болница заедно со началникот на СВР Тетово, кој, исто така се здобил со телесни повреди.
Акцијата за спасување почна синоќа по добиен повик за итен случај на 112 откако едниот од планинарите паднал од карпа во провалија.