Увид на местото извршиле екипа од СВР Куманово и јавен обвинител, по чија наредба телото било дадено за обдукција
Педесетгодишен кумановец почина по здобиени повреди откако со неговиот автомобил удрил во паркиран автобус кај село Доброшане, соопшти денеска СВР Куманово.
„Вчера околу 20:30 часот во СВР Куманово било пријавено дека на регионалниот пат Куманово-Свети Николе, во село Доброшане, Kумановско, Г. И. (50) од Куманово, управувајќи патничко возило ‘алфа ромео’ со кумановски регистарски ознаки, изгубил контрола и удрил во паркиран автобус на превозно претпријатие. Во несреќата, Г. И. се здобил со тешки телесни повреди, по што бил пренесен во болницата во Куманово каде што набргу починал“,
информираше полицијата.
Интервенирала и противпожарната служба од Куманово, информира Регионалниот центар за управување со кризи – Куманово.
„Интервенирано е во временски период од 20:55 до 21:20 часот со едно противпожарно возило и четворица пожарникари“,
јави РЦУК Куманово.
Увид на местото извршиле екипа од СВР Куманово и јавен обвинител, по чија наредба телото било дадено за обдукција.