Тој вчера пред судот се полил со течност и се запалил, а претходно во околниот парк делел памфлети со теории на заговор
Почина човекот што вчера се самозапали пред судот во Менхетен, каде што се води судски процес против поранешниот претседател на САД, Доналд Трамп.
Мажот, идентификуван како Максвел Азарело (37) од Флорида, починал во болница, објави Си-ен-ен повикувајќи се на полициски извори. Тој вчера пред судот се полил со течност и се запалил, а претходно во околниот парк делел памфлети со теории на заговор.
Поранешниот претседател Трамп бил во судската палата, но си заминал во моментот на инцидентот.
Според сознанијата на полицијата, Азарело пристигнал во Њујорк од Флорида минатата недела. Тој немал криминално досие, а неговото семејство во Флорида не знаело дека отпатувал во Њујорк.
Засилено е обезбедувањето на просторот околу судот, а поставени се и барикади. На противниците и на приврзаниците на Трамп им е дозволено да се соберат на демонстрации во блискиот парк, но досега нема поголеми собири.