Во текот на политичката кариера, Греам се кандидираше за републиканската претседателска номинација во 2015 година. Во тој период беше критичар на Доналд Трамп, но подоцна стана еден од неговите најблиски политички сојузници и најгласни поддржувачи
Трамп му оддаде почит на Греам преку објава на својата платформа Трут соушл, нарекувајќи го еден од најголемите луѓе и сенатори што ги познавал
Американскиот сенатор Линдзи Греам, долгогодишен републиканец од Јужна Каролина и близок сојузник на претседателот Доналд Трамп, почина по кратка и ненадејна болест, соопшти портпарол на неговата канцеларија за Си-eн-eн.
Греам, кој минатата недела наполни 71 година, првпат беше избран во Сенатот на САД во 2002 година, а оваа есен требаше да се кандидира за петти мандат.
Во текот на политичката кариера, Греам се кандидираше за републиканската претседателска номинација во 2015 година. Во тој период беше критичар на Доналд Трамп, но подоцна стана еден од неговите најблиски политички сојузници и најгласни поддржувачи.
Претседаваше со влијателниот Комитет за правосудство на Сенатот и Комитетот за буџет, а беше познат и по своите ставови во областа на надворешната политика.
Греам повеќе од две децении беше член на Сенатот, а неговата политичка кариера ја одбележаа блиските односи со двајца истакнати републиканци – Доналд Трамп и покојниот сенатор Џон Мекејн.
Трамп му оддаде почит на Греам преку објава на својата платформа Трут соушл, нарекувајќи го еден од најголемите луѓе и сенатори што ги познавал.
„Почина сенаторот Линдзи Греам, еден од најголемите луѓе и сенатори што некогаш сум ги познавал. Тој секогаш работеше и беше вистински американски патриот. Линдзи многу ќе ни недостига“,
напиша Трамп.
Портпаролот на сенаторот не соопшти дополнителни детали за здравствена состојба во која тој се наоѓаше.
Семејството на Греам побара приватност и упати благодарност за поддршката во овој тежок период.
Statement from the Office of U.S. Senator Lindsey Graham (R-South Carolina). pic.twitter.com/CQ5yVvqTH1
— Lindsey Graham (@LindseyGrahamSC) July 12, 2026