Студено утро со благ пораст на дневните температури, но и ветровито време се очекува и во Скопје. Минималната температура во главниот град ќе се спушти до -8 Целзиусови степени, а максималната ќе достигне до 7 степени
По многу студеното утро, денеска во земјава нè очекува сончев ден со мала локална облачност. Се очекува и слаб до умерен ветер од северен правец.
Минималните температури ќе се движат во интервал од -13 до -5 Целзиусови степени, а максималните ќе достигнат од 0 до 10 степени, информира Управата за хидрометеоролошки работи (УХМР).
Студено утро, со благ пораст на дневните температури, но и ветровито време, се очекува и во Скопје. Минималната температура во главниот град ќе се спушти до -8 Целзиусови степени, а максималната ќе достигне до 7 степени.
Според најавите на УХМР, в недела ќе има зголемена облачност и услови за слаб снег на планините, а од понеделник следува период на стабилно време со пораст на утринските и дневните температури.