Според податоците на ДИК, претседателскиот кандидат на СДСМ, Стево Пендаровски победил само во 10 општини во државата. Интересно е дека тој извојувал предност пред неговата противкандидатка во општините со доминантно албанско население: Арачиново, Боговиње, Врапчиште, Дебар, Желино, Липково, Пласница, Студеничани и Чаир. Од општините со доминантно македонско население, Пендаровски победил само во Крушево
Кандидатката за претседател поддржана од ВМРО-ДПМНЕ, Гордана Силјановска-Давкова има над 300 илјади гласа предност пред нејзиниот противкандидат Стево Пендаровски, кој беше поддржан од СДСМ, покажуваат последните податоци објавени на веб-страницата на Државната изборна комисија, ажурирани утринава во 08:40 часот.
По пребројани 99,82 отсто од избирачите, Гордана Силјановска-Давкова има 560 170 гласа (65,14 отсто), а Стево Пендаровски 251 541 (29,25 отсто).
Гласовите се од обработени 3 476 од 3 508 избирачки места.
Последните податоци за излезеноста покажуваат дека гласале 47,48 отсто од граѓаните со право на глас.
Според податоците на ДИК, претседателскиот кандидат на СДСМ, Стево Пендаровски победил само во 10 општини во државата. Интересно е дека тој извојувал предност пред неговата противкандидатка во општините со доминантно албанско население: Арачиново, Боговиње, Врапчиште, Дебар, Желино, Липково, Пласница, Студеничани и Чаир. Од општините со доминантно македонско население, Пендаровски победил само во Крушево.