По минатонеделниот кибернапад, веб-страницата на МЕПСО повторно во функција

Дека се соочува со кибернапад МЕПСО објави на 7 март, но од операторот тогаш уверија оти електроенергетската мрежа и снабдувањето со електрична енергија не се загрозени

По минатонеделниот кибернапад, веб-страницата на Македонскиот електропреносен оператор (МЕПСО) АД Скопје од денеска е повторно во функција.

Дека се соочува со кибернапад МЕПСО објави на 7 март, но од операторот тогаш уверија оти електроенергетската мрежа и снабдувањето со електрична енергија не се загрозени. Дополнително посочија дека инцидентот е пријавен кај сите надлежни институции согласно правилата и препораките за кибербезбедност.

• МЕПСО се соочува со кибернапад, од компанијата уверуваат дека мрежата и снабдувањето со струја не се загрозени

Во меѓувреме, на 8 март, министерот за транспорт и врски Благој Бочварски во изјава за медиумите кажа дека на хакерскиот напад на веб-страницата на МЕПСО се работи со домашна, но и меѓународна поддршка, додавајќи дека критичната инфраструктура е заштитена, а преносот на електрична енергија се врши редовно и непречено.

• На решавање на кибернападот во МЕПСО се работи со домашна и меѓународна поддршка, вели Бочварски