Колку и да беше легендарна на екранот, таа беше уште поневеројатна мајка и баба, напиша семејството во соопштението на тажната вест
На 71-годишна возраст почина познатата актерка Кристи Ели по кратка борба со ракот.
Тажната вест ја соопштија нејзините деца.
„Со тага ве известуваме дека нашата неверојатна и сакана мајка почина“,
објавија нејзините деца.
Во соопштението од семејството не се наведува од каков рак починала, но се вели дека бил откриен неодамна.
„Таа беше опкружена со нејзиното најблиско семејство и се бореше со голема сила, оставајќи нè сигурни во нејзината бескрајна радост за животот и за сите авантури што претстојат. Колку и да беше легендарна на екранот, таа беше уште поневеројатна мајка и баба“,
напиша семејството заблагодарувајќи се и на лекарскиот тим за борбата таа да преживее.
Кристи Ели се прослави со улогата на Ребека во хумористичната серија „Cheers“ во 1980-тите и 1990-тите години, која ѝ донесе и награда Еми.
Во оваа серија таа се појави во 147 епизоди кога беше и на врвот од нејзината популарност и остана дел од тимот се до последната епизода во 1993 година.
Истата година, таа освои и втора награда Еми за најдобра главна женска улога во филот „Мајката на Дејвид“.