Двајцата тетовци кај кои била најдена марихуаната ќе бидат спроведени во скопскиот затвор за издржување на 30-дневниот притвор
На Е. И. (23) од тетовска Голема Речица и Б. Љ. (24) од тетовско Долно Палчиште им е одредена мерка притвор од 30 дена откако вчера биле приведени од полицијата затоа што кај нив била најдена дрога.
Според информациите на СВР Тетово, Е. И. и Б. Љ. ќе бидат спроведени во КПУ Затвор – Скопје за издржување на притворот.
Од СВР Тетово велат дека вчера, околу 21:50 часот во Тетово тие биле лишени од слобода од полициски службеници, при што им била пронајдена и одземена марихуана.
Двајцата се товарат за „неовластено производство и пуштање во промет на наркотични дроги, психотропни супстанци и прекурсори“, кривично дело казниво по член 215 од Кривичниот законик.