Билетите за дуелот на македонските фудбалери со Словенија, кој на 1 јуни ќе се одигра на Арената „Тодор Проевски“ во Скопје, од денеска се пуштени во продажба. Ова ќе биде прв спортски натпревар на кој е дозволена публика по пауза од 18 месеци поради пандемијата со ковид-19.
Закажаниот натпревар е во рамки на подготовките за претстојното европско првенство.
Дозволата за публика на трибините беше дадена на владината седница на 27 мај во знак на поддршка за фудбалерите кои за првпат се пласираа на едно европско првенство.
Според одлуката, националната арена може да биде исполнета до 30 отсто од вкупниот капацитет од 33 460 седишта.
Фановите можат да купат билети само за јужната и источната трибина.
„Влезниците чинат 300 денари за јужната трибина и 200 денари за источната трибина од националната арена ’Тодор Проески‘. Строгите здравствени ограничувања и протоколите на УЕФА за заштита од ковид-19 се причините поради кои на северната трибина ќе биде дозволено присуство само на лица од двете репрезентации, лица од ВИП секторот и службата за организација на натпреварот“,
соопштија од Фудбалската федерација на Македонија.
Од федерацијата велат дека билетите за западната трибина ќе ги распределат тие на навивачките групи кои покажале интерес да присуствуваат на натпреварот.
Одлуката да се дозволи присуство на навивачи на овој натпревар беше исклучот од забраната. Од Владата најавија дека за дополнителни олеснувања за другите натпревари ќе се разговара на следната седница.
Одлуката да се дозволи публика на овој натпревар беше исклучот од забраната. Од Владата најавија дека за дополнителни олеснувања за другите натпревари ќе се разговара на следната седница.