Трамп забележа петти триумф на прелиминарните избори досега: во Ајова, Њу Хемпшир, Невада, Девствените Острови на САД и сега, родната држава на Хејли
Убедлива победа на Доналд Трамп над Ники Хејли на републиканските прелиминарни избори во Јужна Каролина во саботата. Победувајќи ја „на домашен терен“, Трамп ја продолжи победничката серија, марширајќи кон нова трета претседателска номинација и реванш на изборите против актуелниот претседател Џо Бајден.
„Никогаш не сум ја видел Републиканската партија толку обединета како што е сега“,
им рече Трамп на приврзаниците во Колумбија, главниот град на државата.
По оваа победа се очекува Хејли, која е последниот опонент кај републиканците, да ги слушне повиците од сојузниците на Трамп и да се откаже од трката.
Дека номинацијата му е убедлива покажуваат резултатите, односно триумфот на сите пет прелиминарни избори досега – во Ајова, Њу Хемпшир, Невада, Девствените Острови на САД и сега, родната држава на Хејли.