„Концептот на доброволно служење на воениот рок го напуштивме некаде 2005-2006 година и лично, ако јас се прашувам и како граѓанин, меѓутоа како министер за одбрана, ќе кажам дека тоа е една од подобрите одлуки кои биле донесени во развојот на македонската Армија. Bлагодарение на оваа одлука имаме професионална армија, а нејзината професионалност го држи квалитетот на Армијата“, рече министерката за одбрана
Немаме зголемена безбедносна закана за да го враќаме служењето на задолжителниот воен рок. Меѓутоа и не само од аспект на заканата, тоа ќе значи вложување на многу дополнителни финансиски средства и што е уште поважно, тоа ќе значи дека сите оние коишто ќе наполнат 18 години, ако тој биде задолжителен, нема да можат да бидат активни на пазарот на труд во тој период, ниту пак да го продолжат навремено образовниот процес. Ова според министерката за одбрана Славјанка Петровска во интервју за МИА дадено по завршувањето на денешното заседание на Северноатлантскиот совет во Брисел, потенцирајќи дека кога зборуваме за можноста за враќање на воениот рок треба да знаеме кои се последиците или предизвиците со кои можеби би се соочувале како држава.
Според неа, во денешно време кога младите се жедни или да научат нешто повеќе или да заработат, прекратувањето или одлагањето на тоа нивно право повеќе ќе биде на штета не само на нив, туку и на државата.
„Концептот на доброволно служење на воениот рок го напуштивме некаде 2005-2006 година и лично, ако јас се прашувам и како граѓанин, меѓутоа како министер за одбрана, ќе кажам дека тоа е една од подобрите одлуки кои биле донесени во развојот на македонската Армија. Bлагодарение на оваа одлука имаме професионална армија, а нејзината професионалност го држи квалитетот на Армијата“,
рече Петровска.
Таа потенцира дека градењето на капацитетите на македонската Армија се случува во континуитет, а резултатите кои ги гледаме преку нивното учество и во вежби, меѓутоа и во меѓународни мисии, се за поздравување.
„Сметам дека треба да го задржиме тој пат“,
истакна министерката за одбрана.