Населението во кризните подрачја, во Дебар и Центар Жупа, соработува со полицијата и институциите и полициски час не е воведен, вели дополнителната заменик-министерка Славјанка Петровска која денеска беше во обиколка на безбедносните пунктови кај Бошков Мост, Извор и ХЕЦ Глобочица.
„Колегите од Единицата за брзо распоредување и Посебните единици на полицијата нè брифираа дека изминатото деноноќие поминало мирно и без никакви нарушувања. Дотурот на храна и други неопходни производи се одвива според утврдените безбедносни протоколи. Централните институции и локалната власт заедно се грижат за населението кое се наоѓа на територија на кризните подрачја. Им благодарам на граѓаните за дисциплината и смиреноста, а на припадниците на МВР, ДСЗ, здравствените работници и сите вклучени за професионалноста и посветеноста“,
порача Петровска по посетата на пунктот кај Бошков мост заедно со началниците на Одделот за специјални задачи.
Дека локалното население е мирно е се постапува по препораките на Владата, а соработката на институциите е на одлично ниво, дополнителната заменик-министерка, порача и по посетата на останатите два пункта.
