Согласно денешните статистички податоци за состојбата со ковид-19 во земјава, вкупно 323 лица позитивни на вирусот се лекуваат во болниците.
Во ГОБ „8 Септември“ примени се пет нови, а вкупно хоспитализирани се 48 пациенти. На респираторна машина се пет пациенти.
На Инфективната клиника во изминативе 24 часа примени се тројца пациенти. Вкупно се хоспитализирани 83 пациент. На кислородна поддршка се 50 пациенти, нема на механичка вентилација.
Во болницата во Козле се хоспитализирани 19 возрасни пациенти позитивни на ковид-19, шест позитивни деца, една мајка и едно дете суспектни на вирусот.
Во болницата во Битола се хоспитализирани 14, а во болницата во Штип се хоспитализирани 46 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 105, позитивни и сомнителни на ковид-19.
Досега во земјава со ковид се дијагностицирани 13 914 лица, а оздравени се 10 507. Бројот на починати достигна 578, а во моментов бројот на активни случаи во земјата изнесува 2 829. Повеќе детали прочитајте тука.