Празникот го честиташе и претседателот на Собранието, Талат Џафери, кој вели дека секоја генерација е со своето бреме и ова е убава можност да се потсетиме на сите храбри и тешки одлуки кои биле донесени за градењето на државата. Успешна и демократска држава, вели тој, е можна ако биде сплотени
Без разлика на вера, етникум, идеологија, партиска или каква било припадност да се обединиме околу идејата за демократска, развиена, напредна и просперитетна Република Северна Македонија, порачува претседателот Стево Пендаровски во неговата честитка за 23 Октомври – Денот на македонската револуционерна борба.
„Да ги надминеме предизвиците на нашето време, да си ја сакаме и чуваме државата, да не се арчиме со меѓусебни судири и да го оставиме личниот интерес и суетите настрана. Да продолжиме да градиме иднина, инспирирани од родољубието, пожртвуваноста и од хероизмот на нашите револуционери“,
вели шефот на државата.
Датумот на основањето на македонската револуционерна организација, нагласува Пендаровски, е пресвртната точка од која започна долгиот и макотрпен пат за создавање на независна македонска држава.
„Благодарение на визијата на тогашните напредни интелектуалци за слобода и за правда, се осмисли почетокот за револуционерна борба и се обединија прогресивните сили во стремежот за остварување на националните и социјални идеали. Во македонската револуционерна организација имаше различни пристапи, концепти, идеолошки сфаќања, но секогаш само една и единствена заедничка идеја ‒ Македонија слободна и независна“,
пишува Пендаровски во честитката.
Празникот го честиташе и претседателот на Собранието, Талат Џафери, кој вели дека секоја генерација е со своето бреме и ова е убава можност да се потсетиме на сите храбри и тешки одлуки кои биле донесени за градењето на државата. Успешна и демократска држава, вели тој, е можна ако биде сплотени.
„Современата историја не става во искушенија кои стојат пред нас на патот на исполнување на нашата зацртана цел и ова е убава прилика да се потсетиме на сите храбри и тешки одлуки кои беа донесени низ годините за градењето на државата и оддавањето почит на големите луѓе со визија и нивната несебична пожртвуваност. Идејата за современа, стабилна, успешна и демократска држава која обезбедува добар, квалитетен живот и благосостојба по европски терк и стандарди за сите свои граѓани кои се активни учесници во позитивните промени во Република Северна Македонија е остварлива само ако бидеме сите сплотени кон таа заедничка цел. Само тогаш ќе ја надминеме секоја препрека и невозможното ќе биде возможно!“,
вели Џафери.