Слика со нејзиниот лик, прекриена со црна лента, беше поставена на маса пред влезот на училиштето
Претседателот на државата Стево Пендаровски, премиерот Димитар Ковачевски и министерот за внатрешни работи Оливер Спасовски, попладнево, во скопското училиште „Јохан Хајнрик Песталоци“, се потпишаа во книгата на жалост отворена да ѝ се оддаде почит на малата Вања.
„Почивај во мир Вања! Сочувство до семејството, пријателите, соучениците, другарчињата“,
напиша Пендаровски на социјалната мрежа Фејсбук.
„Огромна е тагата која нѐ обвива по загубата на Вања. Изразувам најдлабоко сочувство до нејзиното семејство, до сите роднини и пријатели, до нејзините соученици. Почивај во мир Вања“,
напиша премиерот Ковачевски.
Сочувство за смртта на 14-годишната Вања изрази и министерот за вантрешни работи.
„Искрено сочувство до семејството, другарките и другарите, како и наставниците, за големата загуба на Вања.
напиша Спасовски на Фејсбук.
Нека оваа трагедија ни биде повод да размислиме како да ги вратиме вредностите и како да бидеме луѓе. Почивај во мир, Бог нека ти подари рајски градини“,
Со рози во рацете, солзи во очите и наведнати глави утрово соучениците на Вања, родители и обични граѓани чекаа во ред пред училиштето „Јохан Хајнрик Песталоци“ во скопски Центар да го напишат последното збогум во книгата на жалост отворена да ѝ се оддаде почит на малата Вања.
Слика со нејзиниот лик, прекриена со црна лента, беше поставена на маса пред влезот на училиштето.
Околу училиштето имаше засилено полициско обезбедување.
Шефот на Основното јавно обвинителство Скопје Гаврил Бубевски и министерот за внатрешни работи Оливер Спасовски денеска на прес-конференција ги соопштија досегашните сознанија за грозоморните убиства на 14-годишната Вања Ѓорчевска од Скопје и 74-годишниот велешанец Панче Жежовски.
Тие, во салата во Јавното обвинителство полна со новинари, дадоа своевидна хронологија и реконструкција на настаните, според досега собраните докази.
Притоа, двајцата нагласија дека досегашните информации и сознанија ги темелат главно на исказите на двајца од тројцата осомничени на кои им е одреден 48-часовен притвор, а дел од нив се поткрепени и со материјални докази обезбеди во досегашниот тек на истрагата.