Папата Франциск ги откажа сите јавни настапи поради ситуацијата со новиот коронавирус, за да се избегне собирање на поголеми групи луѓе на едно место.
Како што соопшти неговата служба, папата ќе им се обраќа на верниците преку интернет.
Ватикан соопшти дека папата утре нема да им се обрати на верниците од прозорецот со поглед кон црквата „Свети Петар“, ниту во среда.
Ова е првпат 83-годишниот папа да ги откаже јавните настапи откако беше назначен на функцијата.