Папата се молеше љубовта да ја промени историјата и силата на Христовата љубов да ги победи силите на светот, објави Ватикан њуз
Папата Франциск во својата божиќна миса синоќа во базиликата Свети Петар рече дека срцата на сите верници се во Витлеем, каде што, како што наведе, Исус уште еднаш бил отфрлен од залудна логика на војната, од конфликт со оружје што и денес го спречува да најде место во светот.
Папата се молеше љубовта да ја промени историјата и силата на Христовата љубов да ги победи силите на светот, објави Ватикан њуз.
„Бог не ја елиминира неправдата одозгора покажувајќи моќ, туку покажувајќи љубов спуштајќи се во тесните рамки на човечките животи“,
нагласи Франциск.
Pope Francis presides at the Christmas Mass During the Night in St Peter’s Basilica, and says God greatly desires to embrace our lives.https://t.co/ABLJhQSLXn pic.twitter.com/8yqnMkzZTo
— Vatican News (@VaticanNews) December 24, 2023
Во својата проповед папата потсети на Евангелието според Лука, во кое се истакнува контрастот помеѓу потрагата по световна моќ и слава, која се мери со успех, резултати, бројки, и Исус, кој е алтернатива на таквата потрага.
Папата ги повика верниците „да ги држат очите отворени во живиот и вистински Бог“.