Според бројот на нови заболени и хоспитализирани пациенти со ковид-19 можеше да се очекува и зголемената стапка на смртност, вели микробиологот д-р Никола Пановски во интервју за Сител и потенцира дека пикот се очекува за две недели со над 60 смртни случаи на ден.
„Според бројот на хоспитализирани можеше да се очекува бројот на починати, што според разни статистики е околу 20-30 отсто. И, не е тешко да се прерачуна ако имате 1 700 хоспитализирани, колку ќе си одат дома колку нема да си одат дома, и од таа бројка ќе испадне околу 500. Рачунајте во следните 10 дена, тоа ќе варира, меѓутоа тој е процентот. Не се намали процентот на смртност, не се пронајде некој нов лек. Бар кај нас лекувањето мислам дека е такво какво што беше есетнта и бројот на смртни случаи го прати бројот на ново откриените случаи и на хоспитализираните пациенти. За жал бројот на смртни случаи две недели доцни во однос на новооткриени и ако она вчера 1 500 беше некој пик или деновиве ќе го достигнеме, тогаш би требало да сметаме дека пикот на смртни случаи ќе биде две недели подоцна. Ако бројот во следните денови е 40 се за жал да оди и над 60“,
вели Пановски.
На прашањето на што се должи зголемениот број на заболени млади лица, Пановски рече дека нема докази дека тоа е поврзано со мутациите на вирусот, но потенцираше дека помладите помалку ги почитуваат мерките за заштита од ковид-19.
„Нема докази дека кај младите е повеќе заразен, туку е начинот на живот. Луѓето меѓу 30-40 најчесто се заразуваат и најмалку се штитат, не можат да се штитат или им е смачено, а некои одат по ресторани кафичи, значи свесно одат да се заразат. За жал тоа е една себичност позната во Западна Европа која однесе милиони луѓе и млади, но на еден млад одат уште 50 стари на кои им го носат вирусот дома. Мислам дека постарите сите веруваат во вирусот и сите се заштитени, затоа има и кај младите доста случаи. Можеби е од самиот вирус ќе треба да се види“,
рече Пановски.