Според УХМР, следува период на претежно сончево и многу топло време, со пораст на дневната температура која насекаде ќе биде над 30 степени
Денеска ќе биде сончево и топло со мала локална облачност. Ќе дува слаб ветер претежно од јужен правец. Минималната температура ќе биде во интервал од 10 до 19, а максималната од 30 до 36 степени. УВ-индексот ќе има вредност 9.
Во Скопје ќе биде претежно сончево и топло со слаб до умерен ветер од југоисточен правец. Минималната температура ќе изнесува 16, а максималната ќе достигне 35 степени.
Според УХМР, следува период на претежно сончево и многу топло време, со пораст на дневната температура која насекаде ќе биде над 30 степени. Но во почетокот на следната седмица во попладневните часови ќе има локална појава на нестабилност со пороен дожд, грмежи и засилен ветер.