„Гледате дека потфрлаат на секое поле, од економија до надворешна политика, на секое можно поле и сите работи коишто ги ветија во предизбориите, со коишто добија огромна одговорност од гласачите, ништо од тоа немаат испорачано во овие осум месеци“, коментира Александар Димитријевиќ
Ја имаме владата со најлош старт во историјата на Македонија, оцени генералниот секретар на СДСМ, Александар Димитријевиќ, во интервју за „360 степени“ на МРТ 1, на прашањето како тој би ја оценил работата на актуелната влада предводена од ВМРО-ДПМНЕ.
„Гледате дека потфрлаат на секое поле, од економија до надворешна политика, на секое можно поле и сите работи коишто ги ветија во предизбориите, со коишто добија огромна одговорност од гласачите, ништо од тоа немаат испорачано во овие осум месеци“,
вели Димитријевиќ.
360֯ : И зошто граѓаните сè уште не можат да го препознат тоа, ако е така како што велите?
Димитријевиќ: Со сите случувања што ги имаме во последниот период, не би рекол дека граѓаните не го препознаваа. Прв пример е бојкотот на маркетите. Тоа е резултат на лошите политики, на грешните политики на ВМРО-ДПМНЕ во сите овие изминати месеци за коишто СДСМ нудеше конкретни решенија, коишто арогантно беа одбивани од ВМРО-ДПМНЕ и Мицкоски.
360֯ : Според вас, што се главните задачи за СДСМ во следните месеци?
Димитријевиќ: Во следните месеци СДСМ треба да продолжи да го слуша гласот на членството и на симпатизерите во делот на внатрешната, ако ме прашувате за внатрепартиската агенда, а треба да имаме и континуирани средби преку коишто ќе ја изнесеме програмата за следните локални избори. Покрај тоа, треба да бидеме будна и конструктивна опозиција во парламентот, сè со цел да можеме да бидеме сериозен коректор.