Министрите посочиле дека собирањето разузнавачки информации, пропагандата или дури и подготовката на саботажа, се главни задачи за голем број руски дипломати во ЕУ. Според нив, протерувањата се важни, но заканата останува
Осум министри за надворешни работи на Европската Унија ја повикаа ЕУ да им забрани на руските дипломати слободно да се движат во Унијата и да ги ограничи на земјите каде што се акредитирани.
„Слободното движење на имателите на руски дипломатски и службени пасоши, акредитирани во една земја домаќин, низ целата Шенген-зона ги олеснува злонамерните активности“,
се вели во писмото од 11 јуни до шефот за надворешна политика на ЕУ, Жозеп Борел, пренесува Ројтерс.
Министрите посочиле дека собирањето разузнавачки информации, пропагандата или дури и подготовката на саботажа, се главни задачи за голем број руски дипломати во ЕУ. Според нив, протерувањата се важни, но заканата останува.
„Сметаме дека ЕУ треба строго да го следи принципот на реципроцитет и да го ограничи движењето на членовите на руските дипломатски мисии и членовите на нивните семејства на територијата на земјата каде што се акредитирани. Оваа мерка значително ќе го стесни оперативниот простор за руските агенти“,
се додава во писмото потпишано од министрите од Чешка, Данска, Естонија, Латвија, Литванија, Холандија, Полска и Романија.