Краен рок до кога сопствениците на возила мора ги променат табличките е 12 февруари 2024 година
Граѓаните што имаат возила со регистарски таблички на кои е старата ознака МК имаат рок од уште околу една година за да ги заменат со нови со ознаката НМК, информира Министерството за внатрешни работи (МВР).
Промената на регистарските таблички мора да се направи до 12 февруари 2024 година.
Обврската ја наметнува членот 25 од Законот за возила и членот 28 од Правилникот за форма и содржина на образецот на барањето за издавање таблички, според кои, сите сопственици на возила се должни да ја извршат промената до наведениот датум.
Промена на ознаката на регистарските таблички од МК во НМК (North Macedonia) произлезе од Преспанскиот договор што земјава го потпиша со Грција во јуни 2018 година.