Основачот на Твитер, Џек Дорси, вети дека ќе донира една милијарда долари за да ја помогне борбата против коронавирусот.
Според Дорси, тоа претставува 28% од неговото севкупно богатство.
Засега тој не прецизираше како ќе бидат распределени парите, но вели дека ќе ги искористи акциите во неговата компанија Сквер, специјализирана за електронски плаќања.
„Светот има итна потреба од средства за борба против коронавирусот. Еднаш кога ќе ја победиме пандемијата на ковид-19, фондовите ќе бидат пренаменети за женско здравје и образование и за истражувања“,
напиша Дорси на Твитер.
Пред неколку дена и сопственикот на Амазон, Џеф Безос, најави дека ќе им донира 100 милиони долари на американските банки за храна.
Основачот на Фејсбук, Марк Закерберг, пак, даде 25 милиони долари за научно истражување во потрага по лек за коронавирусот.