Хрватските медиуми утрово објавија дека е регистриран нов – осми случај на коронавирус во земјата. Според информациите, станува збор за лице од Риека кое било во контакт со претходно заразен.
Телевизијата Н1 објави дека вирусот е потврден кај ќерката на претходно заразениот во Риека. Првиот заразен во Риека е 50-годишен човек кој работел во фабрика во Италија. По него, со коронавирусот биле заразени и неговата сопруга и нејзиниот брат.
Со денешниот случај, во Риека има моментно петмина заразени со коронавирус. Другите три случаи се во Загреб. Според информациите, заболените со коронавирус во Загреб се чувствуваат добро и денеска ќе заседава лекарски конзилиум за да одлучи за нивниот понатамошен третман или за евентуално пуштање од болница.