Османи: Сочувство до семејствата на загинатите во земјотресот во Мароко

Земјотресот со јачина од 6,8 степени ги извади на улица жителите на Маракеш и на другите градови

Министерот за надворешни работи Бујар Османи изрази сочувство до семејствата на жртвите во катастрофалниот земјотрес во Мароко, во кој загинаа над 600 луѓе.

„Шокиран сум од синоќешниот разорен земјотрес во Мароко со стотици жртви. Искрено сочувство до семејствата на загинатите и желби за брзо закрепнување на повредените“,

објави Османи на социјалната мрежа „Икс“.

Shocked by the devastating earthquake in #Morocco last night with hundreds of casualties. Sincere condolences to the families of the victims and wishes for a swift recovery to the injured @Marocdiplo_EN

— Bujar Osmani (@Bujar_O) September 9, 2023

Мароко е погодено од земјотрес со јачина од 6,8 степени.

• Расте бројот на жртви во земјотресот во Мароко, најмалку 820 загинати

Според Геолошкиот институт на САД, земјотресот се случил околу 23 часот по локално време, на длабочина од 71 километар, југозападно од Маракеш.

• Мишел: ЕУ е подготвена да му помогне на Мароко по катастрофалниот земјотрес