„Најостро ги осудуваме лажните ‘референдуми’ во Украина кои претставуваат сериозно кршење на меѓународното право. Резултатите се ништовни и нема да бидат признаени од Северна Македонија. Го поддржуваме суверенитетот и територијалниот интегритет на Украина“, посочи Османи
Референдумите за присоединување кон Русија, кои Кремљ ги смета за релевантни, беа спроведени во услови на војна која започна во февруари годинава со руското влегување на територијата на Украина и отпочнување агресија.
Резултатите од лажните референдуми во Украина се ништовни и Северна Македонија нема да ги признае.
Ова е ставот на шефот на дипломатијата Бујар Османи, откако рускиот претседател Владимир Путин ги потпиша документите за соединување на самопрогласените народни републики Донецк и Луганск и Хесонската и Запорошката Област со Русија, по спроведените референдуми кои Украина и Западот ги осудија како лажни.
„Најостро ги осудуваме лажните ‘референдуми’ во Украина кои претставуваат сериозно кршење на меѓународното право. Резултатите се ништовни и нема да бидат признаени од Северна Македонија. Го поддржуваме суверенитетот и територијалниот интегритет на Украина“,
наведе Османи во објавата на Твитер.
Strongly condemn the sham “referenda” in 🇺🇦 that represent a severe violation of international law. The results are null and void and will not be recognized by #NorthMacedonia. We #StandWithUkraine in support of its sovereignty & territorial integrity @DmytroKuleba
— Bujar Osmani (@Bujar_O) September 30, 2022
По потпишувањето на документите за присоединување кон Русија, Путин рече дека властите во Киев мора да го почитуваат изразот на слободна волја на граѓаните кои на т.н. референдуми одлучиле да се соединат со Русија.
„Полни осум години луѓето во Донбас (регионот каде се наоѓаат Донецк и Луганск) подлежат на блокади, а во Херсон и Запорожје негуваа омраза кон Русија. Режимот од Киев се закануваше со смрт на учители и жени и спроведуваше репресија. Но, народот во Донбас, Запорожје и Херсон го кажа своето – сакам тоа да го слушнат и киевските власти и газдите од Запад, да ги почитуваат нашите граѓани засекогаш“,
рече Путин.
Референдумите за присоединување кон Русија, кои Кремљ ги смета за релевантни, беа спроведени во услови на војна која започна во февруари годинава со руското влегување на територијата на Украина и отпочнување агресија.
Додека Путин се фали, Западот и целиот демократски свет јасно ставија до знаење дека немаат намера некогаш да ги признаат референдумите и присоединувањето на четирите региони со Русија.