Во хеликоптерската несреќа, која утринава се случи во градот Бровари во Киевската Област, загинаа најмалку 16 лица меѓу кои и министерот за внатрешни работи на Украина, Денис Монастирски, неговиот заменик и други претставници на Министерството
Министрите за внатрешни и надворешни работи на земјава, Оливер Спасовски и Бујар Османи, денеска на своите профили на Твитер изразија сочувство до украинскиот народ по повод хеликоптерската несреќа во која загинаа најмалку 16 лица, меѓу кои и министерот за внатрешни работи на Украина, Денис Монастирски, уште двајца службеници од врвот на украинското МВР, како и три деца.
„Во име на МВР го изразувам моето најискрено сочувство до народот на Украина, семејството, колегите и пријателите на мојот украински колега – министерот за внатрешни работи Денис Монастирски кој заедно со водството на Министерството го загуби својот живот во трагична хеликоптерска несреќа во близина на Киев“,
напиша Спасовски на Твитер.
On behalf of MOI, I extend my deepest condolences to the people of 🇺🇦, the family, colleagues and friends of my Ukrainian colleague, Minister of Interior, Denys Monastyrsky, who alongside the leadership of the ministry, lost their lives in a tragic helicopter crash near Kyiv.
— Oliver Spasovski (@o_spasovski) January 18, 2023
Во објава на Твитер сочувство за несреќата изрази и шефот на дипломатијата Бујар Османи.
„Длабоко тажен од ужасната хеликоптерска несреќа во Бровари со многу жртви меѓу кои и министерот за внатрешни работи на Украина, Денис Монастирски, други службеници и деца. Искрено сочувство до народот на Украина“,
пишува Османи на Твитер.
Deeply saddened by the horrible helicopter crash in #Brovary 🇺🇦 with many victims including @MVS_UA Minister Denis #Monastyrskiy, other officials & children.
— Bujar Osmani (@Bujar_O) January 18, 2023
Sincere condolences to the people of #Ukraine @ZelenskyyUa @DmytroKuleba @MFA_Ukraine@Denys_Shmyhal
Во хеликоптерската несреќа, која утринава се случи во градот Бровари во Киевската Област, загинаа најмалку 16 лица меѓу кои и министерот за внатрешни работи на Украина, Денис Монастирски, неговиот заменик и други претставници на министерството.