Картата на „голема Унгарија“ е симбол на унгарскиот ревизионизам кој сè почесто го користат функционерите од Будимпешта
Премиерот на Унгарија, Виктор Орбан, учествуваше на пријателскиот натпревар на Унгарија во фудбал носејќи шал со мапата на „голема Унгарија“.
На таа мапа се делови од денешна Австрија, Словачка, Србија, Хрватска, Украина и Романија.
Картата на „голема Унгарија“ е симбол на унгарскиот ревизионизам кој сè почесто го користат функционерите од Будимпешта.
Hungarian Prime Minister Viktor Orban appeared in public with a scarf depicting a map of “Greater Hungary”.
— NEXTA (@nexta_tv) November 22, 2022
This map includes the current territories of Austria, Slovakia, Romania, Croatia, Serbia and Ukraine. pic.twitter.com/QCYErb5tx0
Ова не е првпат Орбан да провоцира користејќи ја оваа карта откако во 2020 година хрватските и романските лидери остро ги осудија неговите објави на социјалните мрежи. Тој тогаш им посака среќа на студентите за последните испити објавувајќи глобус со „голема Унгарија“ на картата на Европа.
Потегот на Орбан доаѓа само неколку дена по дискусијата со романскиот министер за надворешни работи во која двајцата се осврнаа и на „прашањето на приватните посети на Романија од страна на некои унгарски официјални лица и несоодветните јавни изјави испратени од нив“.
Романија веднаш реагираше на потегот на Орбан
Од Романија веднаш пристигнаа реакции за потегот на Орбан. Алин Митута, романски пратеник во Европскиот парламент, на Твитер порача дека поради вакви работи лидерите на Европската Унија треба да го казнат и изолираат Орбан.
„Ова е уште еден неодговорен потег на Виктор Орбан, кој денеска се појави со шал со карта на ‘голема Унгарија’. Тоа е ревизионистички гест што го става Орбан покрај Путин, кој исто така сонува за промена на границите. Лидерите на ЕУ треба да го санкционираат и изолираат во Европскиот совет“,
напиша Митута.
Another irresponsible act of Viktor Orban, who appeared today with a scarf with the map of Greater Hungary. It’s a revisionist gesture that puts Orban alongside Putin, who also dreams of border changes. He should be sanctioned and isolated by EU leaders in the European Council. pic.twitter.com/9UwOIU89cN
— Alin Mituța (@AlinMituta) November 21, 2022
Украина ќе го повика унгарскиот амбасадор
Со реакција се јави и Украина која најави дека ќе го повика унгарскиот амбасадор за да му упати протест поради тоа што премиерот Виктор Орбан отишол на фудбалски натпревар облечен со шал на кој е прикажана украинска територија како дел од Унгарија, соопшти денеска украинското Министерство за надворешни работи.
„Промовирањето на ревизионистичките идеи во Унгарија не придонесува за развојот на украинско-унгарските односи и не е во согласност со принципите на европската политика“,
напиша на Фејсбук портпаролот на Министерството, Олег Николенко.
Николенко рече дека Украина сака извинување и дека сите претензии за украинска територија ќе бидат побиени.
Хрватска не придава важност
Претседателот Зоран Милановиќ во понеделникот изјави дека официјален Загреб не треба да реагира на потегот на унгарскиот премиер Виктор Орбан.
„Се смеам на тоа. Неговите аспирации кон Хрватска се сведени на тоа што на 8 во месецот крстари по Јадранот еден месец и се среќаваме на вечера. Не би му придавал на тоа сериозно внимание. Какви соседи имаме, таа (Унгарија) е сепак најдобра“,
рече Милановиќ.